粤语新闻老广话事

　　新快报讯　（见习记者　郭晓燕）琴日，记者喺骏景“野猪”（业主）论坛嗰度见到有个叫“香格里拉－Sandy”嘅“野猪”发帖话想喺周末约埋其他“野猪”一齐玩煮饭仔，有成617个网友点击浏览，回帖都有成50个，个个“野猪”都话赞成。

　　“香格里拉－Sandy”张帖话，作为主人家嘅佢乜都唔做，净係提供场所，有兴趣玩煮饭仔嘅业主唔单止要自己买嘢上来，仲要自己煮埋。咁仲未完，食完之后仲要揾位“野猪”自告奋勇接受洗碗重任，如果无人肯做，就会用论坛里面流通嘅货币“贿赂”距地做？。

　　“香格里拉－Sandy”牙擦擦咁话比记者听：“经已有6位‘野猪’加入‘周末煮饭团’喇，仲陆续有‘野猪’报名，不过我屋企唔够　（地方），唯有叫佢哋第期（下一次）请早啰。”